ਨਗਰ ਕੌਂਸਲ ਦੀ ਸਿਆਸੀ ਖੇਡ ਵਿਚ ਕਿੰਗ ਮੇਕਰ ਦੀ ਭੂਮਿਕਾ ਨਿਭਾਉਣ ਵਾਲਾ ਦੀਪਕ ਗੋਇਲ ਗੱਗ
7ਡੇਅ ਨਿਊਜ਼ ਸਰਵਿਸ, ਨਗਰ ਕੌਂਸਲ ਤਪਾ ਵਿਖੇ ਪ੍ਰਧਾਨ ਡਾ ਸੋਨਿਕਾ ਬਾਂਸਲ ਦੀ ਅੱਜ ਨਗਰ ਕੌਂਸਲ ਦੇ ਵੇਹੜੇ ਵਿਖੇ ਹੋਣ ਜਾ ਰਹੀ ਤਾਜਪੋਸ਼ੀ ਤੱਕ ਦਾ ਰਾਹ ਬਹੁਤ ਔਕੜਾਂ ਭਰਿਆ ਰਿਹਾ ਹੈ ਕਿਉਂਕਿ ਲੰਬੀ ਚੱਲੀ ਸਿਆਸੀ ਖੇਡ ਵਿੱਚ ਕਈ ਤਰ੍ਹਾਂ ਦੇ ਉਤਰਾਅ ਚੜਾਅ ਆਏ, ਪਰ ਡਾ ਬਾਲ ਚੰਦ ਬਾਂਸਲ ਬਰਨਾਲੇ ਵਾਲੇ ਨਾਲ ਸਾਏ ਦੀ ਤਰ੍ਹਾਂ ਖੜਨ ਵਾਲਾ ਇੱਕ ਚਿਹਰਾ ਕੌਂਸਲਰ ਦੀਪਿਕਾ ਮਿੱਤਲ ਦੇ ਪਤੀ ਦੀਪਕ ਗੋਇਲ ਗੱਗ ਦਾ ਵੀ ਅੱਜ ਇਸ ਸਫਲਤਾ ਭਰਿਆ ਦਿਨ ਲਿਆਉਣ ਵਿੱਚ ਵੱਡਾ ਯੋਗਦਾਨ ਹੈ। ਜਿਸ ਤੋਂ ਬਾਅਦ ਹੀ ਇਸ ਧੜੇ ਨੂੰ ਇਹ ਮੁਕਾਮ ਹਾਸਲ ਹੋਇਆ ਹੈ ਭਾਵੇਂ ਗੱਗ਼ ਖੁਦ ਪਰਦੇ ਦੇ ਪਿੱਛੇ ਰਹਿ ਕੇ ਡਾ ਸੋਨੀਕਾ ਬਾਂਸਲ ਦੇ ਹੱਕ ਵਿੱਚ ਕੌਂਸਲਰਾਂ ਲਈ ਲਾਬਿੰਗ ਕਰਨ ਦੇ ਨਾਲੋ ਨਾਲ ਸਮੇਂ-2 ਤੇ ਲੋੜ ਪੈਣ ਵੇਲੇ ਅੱਗੇ ਆਉਂਦਾ ਰਿਹਾ ਪਰ ਡੇਢ ਸਾਲ ਦੇ ਵਕਫੇ ਤੱਕ ਕੌਂਸਲਰਾਂ ਨੂੰ ਇਕੱਠੇ ਰੱਖਣਾ ਜਾਂ ਫਿਰ ਇਹ ਕਹਿ ਲਈਏ ਕਿ ਸਮੇਂ ਸਿਰ ਬਾਜੀ ਨੂੰ ਪਲਟ ਦੇਣ ਦਾ ਸਿਹਰਾ ਵੀ ਦੀਪਕ ਗੋਇਲ ਦੇ ਸਿਰ ਬਝਦਾ ਹੈ ਜ਼ੋ ਕੋਈ ਖਾਲਾ ਜੀ ਦਾ ਵਾੜਾ ਨਹੀਂ ਸੀ, ਨਗਰ ਕੌਂਸਲ ਅੰਦਰ ਕਿਸੇ ਵੀ ਅਹੁਦੇ ਤੇ ਬਿਰਾਜਮਾਨ ਹੋਏ ਬਗੈਰ ਸਿਰਫ ਆਪਣੇ ਧੜੇ ਦੀ ਜਿੱਤ ਨੂੰ ਹਰ ਹੀਲੇ ਪਗਾਉਣ ਲਈ ਇਸਨੇ ਲੰਬਾ ਸਮਾਂ ਯਤਨ ਕੀਤੇ ਅਤੇ ਜੋੜ ਤੋੜ ਦੀ ਸਿਆਸਤ ਵਿੱਚ ਵੱਡਾ ਯੋਗਦਾਨ ਪਾਉਂਦਿਆਂ ਕੌਂਸਲਰਾਂ ਨੂੰ ਡਾ ਸੋਨੀਕਾ ਬਾਂਸਲ ਦੇ ਹੱਕ ਵਿੱਚ ਭੁਗਤਾ ਕੇ ਸਮੇਂ ਸਿਰ ਭੁਗਤਾ ਕੇ ਆਪਣੇ ਮਕਸਦ ਨੂੰ ਆਖਰੀ ਅੰਜਾਮ ਦਿੱਤਾ। ਜਿਸ ਕਾਰਨ ਕੌਂਸਲਰਾਂ ਦੇ ਇੱਕ ਵੱਡੇ ਧੜੇ ਨੇ ਡਾ ਸੋਨਿਕਾ ਬਾਂਸਲ ਨੂੰ ਬਤੌਰ ਪ੍ਰਧਾਨ ਦੀ ਕੁਰਸੀ ਤੱਕ ਪਹੁੰਚਾ ਕੇ ਵੱਡੀ ਜਿੱਤ ਤੇ ਮੋਹਰ ਲਾ ਦਿੱਤੀ। ਉਧਰ ਆਉਣ ਵਾਲੇ ਸਮੇਂ ਵਿੱਚ ਵੀ ਇਸ ਨੌਜਵਾਨ ਦੀਪਕ ਗੋਇਲ ਦਾ ਸਿਆਸੀ ਭਵਿੱਖ ਉੱਜਵਲ ਵਿਖਾਈ ਦੇ ਰਿਹਾ ਹੈ