ਪਰਿਵਾਰ ਨੂੰ ਇਕ ਮਾਲਾ ਵਿਚ ਪਰੋ ਕੇ ਰੱਖਣ ਵਾਲੀ ਸ਼ਖਸ਼ੀਅਤ ਸਨ-ਸ੍ਰੀਮਤੀ ਉਸ਼ਾ ਰਾਣੀ ਗਰਗ
ਤਪਾ ਮੰਡੀ, ਇਨਸਾਨੀ ਜਾਮੇ ਵਿਚ ਭਾਵੇਂ ਹਰੇਕ ਮਨੁੱਖ ਆਉਦਾ ਹੈ, ਪਰ ਸਮਾਂ ਰਹਿੰਦੇ ਆਪਣੇ ਫਰਜਾਂ ਨੂੰ ਪੂਰਾ ਕਰਨਾ ਸ਼ਾਇਦ ਵਿਰਲੇ ਦੇ ਹਿੱਸੇ ਹੀ ਆਉਦਾ ਹੈ। ਜਿਸ ਦੀ ਉਦਹਾਰਣ ਸ੍ਰੀਮਤੀ ੳੂਸ਼ਾ ਰਾਣੀ ਗਰਗ ਧਰਮਪਤਨੀ ਸ੍ਰੀ ਤੇਲੂ ਰਾਮ ਗਰਗ ਪੁੱਤਰ ਸਵ: ਲਾਲਾ ਹਰੀ ਰਾਮ ਤਾਜੋਕੇ ਵਾਲਿਆਂ ਤੋ ਮਿਲਦੀ ਹੈ। ਸ੍ਰੀਮਤੀ ੳੂਸ਼ਾ ਰਾਣੀ ਦਾ ਜਨਮ ਬਰਨਾਲਾ ਵਿਖੇ 18 ਅਪ੍ਰੈਲ 1956 ਨੂੰ ਹੋਇਆ, ਜੋ ਉਨ੍ਹਾਂ ਸਮਿਆਂ ਦੇ ਚੰਗੇ ਪੜੇ ਲਿਖੇ ਗਰੈਜੂਏਟ ਸਨ। ਜਿਨ੍ਹਾਂ ਦਾ ਵਿਆਹ ਤਾਜੋਕੇ ਵਾਲੇ ਮਸ਼ਹੂੁਰ ਕਾਰੋਬਾਰੀ ਬਾਬੂ ਤੇਲੂ ਰਾਮ ਨਾਲ ਅਪ੍ਰੈਲ 1977 ਵਿਚ ਹੋਇਆ। ਜਿਨ੍ਹਾਂ ਦੇ ਘਰ ਤਿੰਨ ਬੱਚਿਆਂ ਦੋ ਪੁੱਤਰ ਅਤੇ ਇਕ ਧੀ ਨੇ ਕਿਲਕਾਰੀ ਮਾਰੀ, ਤਾਜੋਕੇ ਵਾਲੇ ਲਾਲਾ ਹਰੀ ਰਾਮ ਜੀ ਦਾ ਪਰਿਵਾਰ ਸੁੱਖ ਨਾਲ ਹਰਿਆ ਭਰਿਆ ਸੀ। ਜਿਨ੍ਹਾਂ ਵਿਚ ਤੇਲੂ ਰਾਮ ਸਭ ਤੋ ਵੱਡੇ ਸਨ। ਸ੍ਰੀਮਤੀ ੳੂਸ਼ਾ ਰਾਣੀ ਨੇ ਪਰਿਵਾਰ ਵਿਚਲੇ ਏਕੇ ਨੂੰ ਹੋਰ ਮਜਬੁੂਤ ਕੀਤਾ ਅਤੇ ਆਪਣੇ ਪਤੀ ਤੇਲੂ ਰਾਮ ਨਾਲ ਮਿਲ ਕੇ ਪੂਰੀ ਕਬੀਲਦਾਰੀ ਨੂੰ ਵਧੀਆ ਢੰਗ ਤਰੀਕੇ ਨਾਲ ਨਿਪਟਾਇਆ। ਉਨ੍ਹਾਂ ਹਮੇਸ਼ਾਂ ਇਕ ਸੁੰਘੜ ਸਿਆਣੀ ਗ੍ਰਹਿਣੀ ਵਾਂਗ ਧਾਰਮਿਕ ਵਿਚਾਰਾਂ ਦੇ ਹੋਣ ’ਤੇ ਨਿੱਤ ਪ੍ਰਮਾਤਮਾ ਦਾ ਨਾਮ ਲੈਣ ਦੇ ਨਾਲੋ ਨਾਲ ਇਸ਼ਨਾਨ ਕਰਕੇ ਹੀ ਚੁੱਲੇ ਚੌਕੇ ਨੂੰ ਸੰਭਾਲਣ ਦੀ ਪਹਿਲ ਦਿੱਤੀ। ਉਨ੍ਹਾਂ ਆਪਣੇ ਪਤੀ ਤੇਲੂ ਰਾਮ ਨਾਲ ਮਿਲ ਕੇ ਪੂਰੇ ਪਰਿਵਾਰ ਨੂੰ ਇਕ ਮਾਲਾ ਵਿਚ ਪਰੋ ਕੇ ਰੱਖਿਆ ਅਤੇ ਲੰਬਾਂ ਸਮਾਂ ਸਾਂਝੇਂ ਪਰਿਵਾਰ ਦੀ ਮਿਸਾਲ ਇਕ ਚੁੱਲੇ ’ਤੇ ਸਾਂਝਗਿਰੀ ਰਾਹੀ ਜਿੱਥੇ ਨਿਭਾਈ, ਉਥੇ ਆਪਣੇ ਤਿੰਨੋ ਬੱਚਿਆਂ ਪ੍ਰਦੀਪ ਕੁਮਾਰ, ਸੰਜੀਪ ਕੁਮਾਰ ਅਤੇ ਧੀ ਮਮਤਾ ਰਾਣੀ ਨੂੰ ਪੜਾ ਲਿਖਾ ਕੇ ਸਮੇਂ ਦਾ ਹਾਣੀ ਬਣਾਇਆ। ਸ੍ਰੀਮਤੀ ੳੂਸ਼ਾ ਰਾਣੀ ਬੀਤੇ ਦਿਨੀ ਇਕ ਸੰਖੇਪ ਜਿਹੀ ਬਿਮਾਰੀ ਤੋ ਬਾਅਦ ਪ੍ਰਭੂ ਚਰਨਾਂ ਵਿਚ ਜਾ ਬਿਰਾਜੇ। ਜਿਨ੍ਹਾਂ ਦੀ ਆਤਮਿਕ ਸ਼ਾਂਤੀ ਲਈ ਰੱਖੇ ਸ੍ਰੀ ਗਰੁੜ ਪ੍ਰਾਣ ਪਾਠ ਜੀ ਦੇ ਭੋਗ ਅਤੇ ਸ਼ਰਧਾਂਜਲੀ ਸਮਾਗਮ 20 ਮਈ 2025 ਦਿਨ ਮੰਗਲਵਾਰ ਨੂੰ ਸ਼ਾਂਤੀ ਹਾਲ ਨੇੜੇ ਬਾਬਾ ਮੱਠ ਵਿਖੇ ਹੋਵੇਗਾ, ਜਿੱਥੇ ਭੋਗ ਉਪਰੰਤ ਵੱਖ ਵੱਖ ਧਾਰਮਿਕ, ਸਮਾਜਿਕ, ਵਪਾਰਿਕ ਅਤੇ ਰਾਜਸੀ ਆਗੂ ਸ੍ਰੀਮਤੀ ਗਰਗ ਨੂੰ ਸ਼ਰਧਾ ਦੇ ਫੁੱਲ ਭੇਂਟ ਕਰਨਗੇ।