ਪੁਲਿਸ ਨੇ ਘੁੰਨਸ ਕਤਲ ਮਾਮਲੇ ’ਚ ਲੋੜੀਦੇ ਨਾਮਜਦ ਵਿਅਕਤੀ ਦਬੋਚੇ

 ਪੁਲਿਸ ਨੇ ਘੁੰਨਸ ਕਤਲ ਮਾਮਲੇ ’ਚ ਲੋੜੀਦੇ ਨਾਮਜਦ ਵਿਅਕਤੀ ਦਬੋਚੇ
7ਡੇਅ ਨਿੳੂਜ ਸਰਵਿਸ,
ਜਿਲਾ ਬਰਨਾਲਾ ਦੀ ਸਬ ਡਵੀਜਨ ਤਪਾ ਅਧੀਨ ਪੈਂਦੇ ਪਿੰਡ ਘੁੰਨਸ ਵਿਖੇ ਪਿਛਲੇ ਦਿਨੀ ਸ਼ਰਾਬ ਦੇ ਠੇਕੇ ’ਤੇ ਬੱਕਰੀਆ ਚਾਰਨ ਵਾਲੇ ਅਤੇ ਉਸ ਦੇ ਸਾਥੀ ਨਾਲ ਹੋਈ ਲੜਾਈ ਉਪਰੰਤ ਆਜ੍ਹੜੀ ਦੇ ਘਰ ਆ ਕੇ ਕੁਝ ਨੋਜਵਾਨਾਂ ਵੱਲੋ ਕਥਿਤ ਤੌਰ ’ਤੇ ਮਾਰੂ ਹਥਿਆਰਾਂ ਨਾਲ ਕੀਤੇ ਹਮਲੇ ਵਿਚ ਕਤਲ ਵਿਚ ਲੋੜੀਦੇ ਨੋਜਵਾਨਾਂ ਨੂੰ ਤਪਾ ਪੁਲਿਸ ਨੇ ਕੁਝ ਦਿਨਾਂ ਵਿਚ ਹੀ ਦਬੋਚ ਕੇ ਵੱਡੀ ਸਫਲਤਾ ਹਾਸਿਲ ਕੀਤੀ ਹੈ। ਥਾਣਾ ਮੁੱਖੀ ਸ਼ਰੀਫ ਖਾਂ ਨੇ ਦੱਸਿਆਂ ਕਿ ਮੁਹੰਮਦ ਸਰਵਰਾਜ ਆਲਮ ਐਸ.ਐਸ.ਪੀ ਬਰਨਾਲਾ ਦੇ ਨਿਰਦੇਸਾਂ ਤਹਿਤ ਅਸੋਕ ਕੁਮਾਰ ਐਸ.ਪੀ ਦੀ ਰਹਿਨਮਾਈ ਅਤੇ ਗੁਰਪ੍ਰੀਤ ਸਿੰਘ ਸਿੱਧੂ, ਉਪ ਕਪਤਾਨ ਸਬ ਡਵੀਜਨ ਤਪਾ ਦੀ ਅਗਵਾਈ ਹੇਠ ਤਪਾ ਪੁਲਿਸ ਦੀ ਟੀਮ ਨੇ ਕਤਲ ਦੀ ਗੁੱਥੀ ਨੂੰ ਸੁਚੱਜੇ ਢੰਗ ਨਾਲ ਸੁਲਝਾਇਆ ਹੈ। ਥਾਣਾ ਮੁੱਖੀ ਨੇ ਅੱਗੇ ਦੱਸਿਆਂ ਕਿ ਕੁਝ ਦਿਨ ਪਹਿਲਾ ਪਿੰਡ ਘੁੰਨਸ ਵਿਖੇ ਦੋ ਨੌਜਵਾਨ ਧੜਿਆਂ ਦਰਮਿਆਨ ਸਰਾਬ ਦੇ ਠੇਕੇ ’ਤੇ ਹੋਈ ਬਹਿਸ ਨੇ ਲੜਾਈ ਦਾ ਰੂਪ ਧਾਰ ਲਿਆ ਹੈ ਅਤੇ ਲੜਾਈ ਦੌਰਾਨ ਇਕ ਨੌਜਵਾਨ ਨਾਮਕ ਤਰਸੇਮ ਸਿੰਘ ਉਰਫ ਸੋਮੀ ਪੁੱਤਰ ਬੂਟਾ ਸਿੰਘ ਦੀ ਮੌਤ ਹੋ ਗਈ ਹੈ। ਜਿਸ ਸਬੰਧੀ ਮਿ੍ਰਤਕ ਤਰਸੇਮ ਸਿੰਘ ਦੇ ਭਰਾ ਰੇਸਮ ਸਿੰਘ ਉਰਫ ਰੋਸੀ ਨੇ ਤਪਾ ਥਾਣਾ ਵਿਚ ਬਿਆਨ ਦਰਜ ਕਰਵਾਇਆ ਕਿ ਉਸ ਦਾ ਛੋਟਾ ਭਰਾ ਤਰਸੇਮ ਸਿੰਘ ਸੇਮੀ (32) ਜੋ ਕਿ ਪਿੰਡ ਮਹਿਤਾ ਵਿਖੇ ਬਲਜਿੰਦਰ ਸਿੰਘ ਵਾਸੀ ਮਹਿਤਾ ਨਾਲ ਬੱਕਰੀਆਂ ਚਾਰਨ ਦਾ ਕੰਮ ਕਰਦਾ ਸੀ, ਪਰ ਲੰਘੀ 6 ਦਸੰਬਰ ਪਰ ਮੈਨੂੰ ਪਤਾ ਲੱਗਿਆ ਕਿ ਮੇਰੇ ਭਰਾ ਅਤੇ ਉਸਦੇ ਸਾਥੀ ਨਾਲ ਸਾਡੇ ਪਿੰਡ ਦੇ ਕੁਝ ਵਿਅਕਤੀਆ ਸਰਾਬ ਦੇ ਠੇਕੇ ਕੋਲ ਲੜਾਈ ਝਗੜਾ ਕਰ ਰਹੇ ਹਨ। ਪੁਲਿਸ ਨੇ ਅੱਗੇ ਦੱਸਿਆ ਕਿ ਮੁੱਦਈ ਅਨੁਸਾਰ ਠੇਕੇ ’ਤੇ ਹਾਜਰ ਨੌਜਵਾਨਾਂ ਵਿਚੋ ਜੋਨੀ ਸਿੰਘ, ਗੁਰਪ੍ਰੀਤ ਸਿੰਘ ਉਰਫ ਗੋਪੀ, ਗੁਰਦੀਪ ਸਿੰਘ ਉਰਫ ਬੱਛਾ ਵਾਸੀਆਨ ਘੰੁਨਸ ਵਗੈਰਾ ਨੇ ਮੇਰੇ ਭਰਾ ਨਾਲ ਝਗੜੇ ਕਰਨ ਦੋਰਾਨ ਉਹਨਾ ਦੀ ਕਾਰ ਵੀ ਭੰਨਣ ਦੇ ਨਾਲੋ ਨਾਲ ਮੇਰੇ ਭਰਾ ਨੂੰ ਜਾਨੋ ਮਾਰਨ ਦੀਆ ਧਮਕੀਆ ਵੀ ਦਿੱਤੀਆ, ਪਰ ਮੁਦੱਈ ਨੇ ਦੋਵੇਂ ਧਿਰਾਂ ਨੂੰ ਸਮਝਾ ਕੇ ਘਰ ਭੇਜ ਦਿੱਤਾ ਪਰ ਉਕਤ ਨੋਜਵਾਨ ਵੱਖ ਵੱਖ ਮਾਰੂ ਹਥਿਆਰਾਂ ਨਾਲ ਲੈਸ ਹੋ ਕੇ ਸਾਡੇ ਪਿੱਛੇ ਆ ਗਏ। ਜਿੰਨ੍ਹਾਂ ਨੇ ਆਉਂਦੀਆ ਸਾਰ ਹੀ ਪਹਿਲਾ ਤਾਂ ਇੱਟਾਂ ਰੋੜੇ ਸਾਡੇ ਵੱਲ ਮਾਰਨੇ ਸੁਰੂ ਕਰ ਦਿੱਤੇ ਫਿਰ ਕਥਿਤ ਤੋਰ ’ਤੇ ਮਾਰੂੁ ਹਥਿਆਰ ਨਾਲ ਜਾਨਲੇਵਾ ਹਮਲਾ, ਜਿਸ ਕਾਰਨ ਉਸ ਦੀ ਮੋਤ ਹੋ ਗਈ। ਉਧਰ ਪੁਲਿਸ ਨੇ ਮੁਦੱਈ ਦੇ ਬਿਆਨਾਂ ’ਤੇ ਵੱਖ ਵੱਖ ਧਾਰਾਵਾਂ ਤਹਿਤ ਮਾਮਲਾ ਦਰਜ ਕਰਕੇ ਬਰਖਿਲਾਫ ਜੋਨੀ ਸਿੰਘ, ਗੁਰਦੀਪ ਸਿੰਘ, ਅਮਿ੍ਰਤਪਾਲ ਸਿੰਘ, ਗੁਰਪ੍ਰੀਤ ਸਿੰਘ ਉਰਫ ਗੋਪੀ ਅਤੇ ਸੁਰਿੰਦਰ ਸਿੰਘ ਨੂਰੀ ਵਾਸੀਅਨ ਚੰਡੀਗੜ ਬਸਤੀ ਘੁੰਨਸ ਖਿਲਾਫ ਦਰਜ ਕੀਤਾ ਗਿਆ। ਪੁਲਿਸ ਨੇ ਮਾਮਲੇ ਵਿਚ ਲੋੜੀਦੇ ਨੋਜਵਾਨਾਂ ਨੂੰ ਦਬੋਚ ਕੇ ਅਗਲੇਰੀ ਕਾਨੂੰਨੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।