ਤਪਾ ਪੁਲਿਸ ਨੇ ਵੇਅਰਹਾੳੂਸ ਦੇ ਗੁਦਾਮ ਵਿਚਲੇ ਸਰਕਾਰੀ ਚੋਲ ਚੋਰੀ ਕਰਨ ਵਾਲੇ ਪ੍ਰਵਾਸੀ ਨੋਜਵਾਨਾਂ ਨੂੰ ਦਬੋਚਿਆ, ਮਾਮਲਾ ਦਰਜ
ਤਪਾ ਮੰਡੀ 20 ਫਰਵਰੀ (ਲੁਭਾਸ ਸਿੰਗਲਾ) :- ਸਥਾਨਕ ਦਰਾਜ ਫਾਟਿਕ ਲਾਗੇ ਪੰਜਾਬ ਰਾਜ ਵੇਅਰਹਾੳੂਸ ਦੇ ਚੋਲਾਂ ਵਾਲੇ ਗੁਦਾਮ ’ਤੇ ਪ੍ਰਵਾਸੀ ਨੌਜਵਾਨਾਂ ਨੇ ਧਾਵਾ ਬੋਲ ਕੇ ਚੋਲਾਂ ਦੇ ਗੱਟਿਆਂ ਨੂੰ ਚੋਰੀ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਥਾਣਾ ਮੁੱਖੀ ਸ਼ਰੀਫ ਖਾਂ ਨੇ ਦੱਸਿਆਂ ਕਿ ਪੰਜਾਬ ਰਾਜ ਗੋਦਾਮ ਨਿਗਮ ਵਿਚ ਬਤੋਰ ਤਕਨੀਕੀ ਸਹਾਇਕ ਹਰੀਸ ਕੁਮਾਰ ਪੁੱਤਰ ਸੁਰਿੰਦਰ ਕੁਮਾਰ ਵਾਸੀ ਜੀਦਾ ਥਾਣਾ ਨੇਹੀਆਂ ਵਾਲਾ ਜਿਲ੍ਹਾ ਬਠਿੰਡਾ ਨੇ ਪੁਲਿਸ ਕੋਲ ਬਿਆਨ ਦਰਜ ਕਰਵਾਏ ਹਨ, ਲੰਘੇ ਹਫਤਾਵਰ ਪਹਿਲਾ ਰਾਤ ਵੇਲੇ 11 ਨੰਬਰ ਗੋਦਾਮ ਦੇ ਮੁੱਖ ਦਰਵਾਜੇ ਨੂੰ ਜਿੰਦਰਾਂ ਵੱਜਿਆ ਹੋਇਆ ਸੀ, ਪਰ ਗੋਦਾਮ ਨੂੰ ਲੱਗੀਆ ਹੋਈਆ ਜਾਲੀਆ ਵਿਚੋ ਇਕ ਜਾਲੀ ਨੂੰ ਜਿੰਨ੍ਹਾ ਦੇ ਅੰਦਰਲੇ ਪਾਸੇ ਨਟ ਕਸੇ ਹੁੰਦੇ ਹਨ, ਜਾਲੀ ਵਿਚਦੀ ਕਿਸੇ ਤਰੀਕੇ ਨਾਲ ਨਟ ਨੂੰ ਖੋਲ ਕੇ ਜਾਲੀ ਨੂੰ ਖੋਲਿਆ ਗਿਆ ਅਤੇ ਇਕ ਚੋਲਾਂ ਦੇ ਚੱਕੇ ਵਿਚੋ 22 ਗੱਟੇ ਕਿਸੇ ਅਣਪਛਾਤੇ ਵਿਅਕਤੀਆਂ ਵੱਲੋ ਚੋਰੀ ਕਰ ਲਏ ਗਏ ਸਨ। ਜਿਸ ਸਬੰਧੀ ਪੁਲਿਸ ਵੱਲੋ ਕੀਤੀ ਪੜਤਾਲ ’ਤੇ ਸਾਹਮਣੇ ਆਇਆ ਕਿ ਉਕਤ ਗੁਦਾਮ ਵਿਚੋਂ ਚੌਲਾਂ ਦੇ ਗੱਟੇ ਦਰਾਜ ਫਾਟਿਕ ’ਤੇ ਰਹਿਣ ਵਾਲੇ ਪ੍ਰਵਾਸੀ ਨੋਜਵਾਨਾਂ ਨੇ ਕੀਤੇ ਹਨ, ਜੋ ਦਰਾਜ ਫਾਟਿਕ ਕੋਲ ਪਿਛਲੇ ਸਮੇ ਤੋ ਪਰਿਵਾਰ ਸਮੇਤ ਰਹਿੰਦੇ ਹਨ। ਪੁਲਿਸ ਨੇ ਇਸ ਮਾਮਲੇ ਵਿਚ ਨਾਮਜਦ ਬਿਸਾਲ ਕੁਮਾਰ ਉਰਫ ਸਨੀ ਪੁੱਤਰ ਬਲਰਾਮ ਪਾਸਵਾਨ ਵਾਸੀ ਅਲੇਨੀ ਜਿਲ੍ਹਾ ਖਗਰੀਆ (ਬਿਹਾਰ) ਹਾਲ ਅਬਾਦ ਦਰਾਜ ਫਾਟਕ ਤਪਾ, ਵਿਸਨੂੰ ਕੁਮਾਰ ਪੁੱਤਰ ਸੰਜੇ ਪਾਸਵਾਨ ਵਾਸੀ ਹੱਥੋਵਾਲ ਜਿਲ੍ਹਾ ਖਗਰੀਆ (ਬਿਹਾਰ) ਹਾਲ ਅਬਾਦ ਦਰਾਜ ਫਾਟਕ ਤਪਾ, ਰੋਸਨ ਪੁੱਤਰ ਮਕਸੂਦਨ ਵਾਸੀ ਠਰਮਾਟੋਲ ਜਿਲ੍ਹਾ ਸਮੱਸਤੀਪੁਰ (ਬਿਹਾਰ) ਹਾਲ ਅਬਾਦ ਦਰਾਜ ਫਾਟਕ ਤਪਾ, ਸੂਰਜ ਕੁਮਾਰ ਉਰਫ ਕਾਲੀਆ ਪੁੱਤਰ ਰਾਜਨੀਤੀ ਵਾਸੀ ਅਲੋਨੀ ਜਿਲ੍ਹਾ ਖਗਰੀਆ (ਬਿਹਾਰ) ਹਾਲ ਅਬਾਦ ਨੇੜੇ ਦਰਾਜ ਫਾਟਕ ਤਪਾ, ਅਮਨ ਯੂਪੀ ਵਾਲਾ ਪੁੱਤਰ ਵਾਸੀ ਨੇੜੇ ਦਰਾਜ ਫਾਟਕ ਤਪਾ, ਖਿਲਾਫ ਵੱਖ ਵੱਖ ਧਾਰਾਵਾਂ ਤਹਿਤ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ। ਇਸ ਮੌਕੇ ਸਿਟੀ ਇੰਚਾਰਜ ਬਲਜੀਤ ਸਿੰਘ, ਸਹਾਇਕ ਥਾਣੇਦਾਰ ਗੁਰਪਿਆਰ ਸਿੰਘ, ਸਤਿਗੁਰੂ ਸਿੰਘ ਸਹਾਇਕ ਥਾਣੇਦਾਰ ਸਣੇ ਪੁਲਿਸ ਪਾਰਟੀ ਹਾਜਰ ਸੀ।