ਪੁਲਿਸ ਕਾਰਵਾਈ : ਸਿਟੀ ਇੰਚਾਰਜ ਬਲਜੀਤ ਸਿੰਘ ਢਿਲੋਂ ਦੀ ਅਗਵਾਈ ਹੇਠ ਨਸ਼ੀਲੀਆਂ ਗੋਲੀਆਂ ਸਮੇਤ 3 ਨੌਜਵਾਨ ਕਾਬੂ
ਤਪਾ ਮੰਡੀ 20 ਮਾਰਚ (ਲੁਭਾਸ਼ ਸਿੰਗਲਾ/ਗੁਰਪ੍ਰੀਤ ਸਿੰਘ) :- ਸਥਾਨਕ ਸਿਟੀ ਪੁਲਿਸ ਨੇ ਉੱਚ ਪੁਲਿਸ ਅਧਿਕਾਰੀਆਂ ਦੀਆ ਹਦਾਇਤਾਂ ਤਹਿਤ ਨਸ਼ਿਆਂ ਖਿਲਾਫ ਵਿੱਢੀ ਮੁਹਿੰਮ ’ਚ ਤਿੰਨ ਨੌਜਵਾਨਾਂ ਨੂੰ ਨਸ਼ੀਲੀਆ ਅਤੇ ਪਾਬੰਦੀਸ਼ੁਦਾ ਗੋਲੀਆ ਵੇਚਣ ਦੇ ਮਾਮਲੇ ਵਿਚ ਕਾਬੂ ਕੀਤਾ ਹੈ। ਜਿਨ੍ਹਾਂ ਕੋਲੋ 250 ਨਸ਼ੀਲੀਆ ਗੋਲੀਆ ਬਰਾਮਦ ਹੋਈਆ ਹਨ। ਇਸ ਸਬੰਧ ਵਿਚ ਸਿਟੀ ਇੰਚਾਰਜ ਬਲਜੀਤ ਸਿੰਘ ਢਿਲੋ ਨੇ ਦੱਸਿਆਂ ਕਿ ਸਿਟੀ ਪੁਲਿਸ ਨੂੰ ਮੁਖਬਰ ਨੇ ਦੱਸਿਆਂ ਕਿ ਤਪਾ ਦੇ ਦੋ ਵਿਆਕਤੀ ਜੋ ਨਸਾ ਪੱਤਾ ਕਰਨ ਦੇ ਆਦੀ ਹੋਣ ਦੇ ਨਾਲੋ ਨਾਲ ਬਾਹਰੋ ਸਸਤੇ ਭਾਅ ’ਤੇ ਨਸੀਲੀਆ ਗੋਲੀਆ ਲਿਆ ਕੇ ਅੱਗੇ ਇਕ ਹੋਰ ਨੌਜਵਾਨ ਨੂੰ ਵੇਚਦੇ ਹਨ, ਜੋ ਖਦ ਨਸ਼ੇ ਪੱਤੇ ਦਾ ਆਦੀ ਹੋਣ ਦੇ ਨਾਲੋ ਨਾਲ ਹੋਰਨਾਂ ਵੀ ਅਜਿਹੀਆ ਨਸ਼ੀਲੀਆ ਗੋਲੀਆ ਵੇਚਦਾ ਹੈ। ਜਿਸ ’ਤੇ ਪਲਿਸ ਨੇ ਕਾਰਵਾਈ ਕਰਦਿਆਂ ਸੂਰਜ ਕੁਮਾਰ ਉਰਫ ਆਂਡਾ ਵਾਸੀ ਤਪਾ, ਸੁੱਖਾ ਵਾਸੀ ਢਿੱਲਵਾ ਰੋਡ ਤਪਾ ਅਤੇ ਸੰਦੀਪ ਸਿੰਘ ਉਰਫ ਟੀਂਡਾ ਵਾਸੀ ਤਪਾ ਨੂੰ ਦਬੋਚ ਕੇ ਉਨ੍ਹਾਂ ਕੋਲੋ 250 ਨਸ਼ੀਲੀਆ ਗੋਲੀਆ ਬਰਾਮਦ ਕੀਤਾ। ਜਿਨ੍ਹਾਂ ਖਿਲਾਫ ਐਨ.ਡੀ.ਪੀ.ਐਸ ਐਕਟ ਅਧੀਨ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ਰੂ ਕਰ ਦਿੱਤੀ ਹੈ। ਇਸ ਮੌਕੇ ਸਹਾਇਕ ਥਾਣੇਦਾਰ ਗੁਰਪਿਆਰ ਸਿੰਘ ਆਦਿ ਵੀ ਹਾਜਰ ਸਨ।