ਟੀਚਰ ਦੀ ਕਰਤੂਤ, ਲੈਬ ਅੰਦਰ ਦਰਿੰਦਗੀ, ਮਹਿਲਾ ਟੀਚਰ ਨਾਲ ਜਬਰ ਦੀ ਕੋਸ਼ਿਸ, ਸਰਕਾਰੀ ਸਕੂਲ ’ਚ ਹੰਗਾਮਾਂ, ਮਾਮਲਾ ਦਰਜ

ਟੀਚਰ ਦੀ ਕਰਤੂਤ, ਲੈਬ ਅੰਦਰ ਦਰਿੰਦਗੀ, ਮਹਿਲਾ ਟੀਚਰ ਨਾਲ ਜਬਰ ਦੀ ਕੋਸ਼ਿਸ, ਸਰਕਾਰੀ ਸਕੂਲ ’ਚ ਹੰਗਾਮਾਂ, ਮਾਮਲਾ ਦਰਜ
7ਡੇਅ ਨਿੳੂਜ ਸਰਵਿਸ
ਬਠਿੰਡਾ ਜਿਲ੍ਹੇ ਦੇ ਇਕ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਵਿਚ ਮਹਿਲਾ ਅਧਿਆਪਿਕਾ ਨਾਲ ਅਸਲੀਲ ਹਰਕਤਾਂ ਦਾ ਗੰਭੀਰ ਮਾਮਲਾ ਸਾਹਮਣੇ ਆਇਆ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਪੀੜਿਤ ਅਧਿਆਪਿਕਾ, ਜੋ ਕਿ ਸਾਇੰਸ ਵਿਸੇ ਦੀ ਟੀਚਰ ਹੈ, ਨੇ ਪੁਲਿਸ ਨੂੰ ਦਿੱਤੇ ਬਿਆਨ ਵਿਚ ਦੱਸਿਆ ਕਿ ਉਹ ਸਕੂਲ ਦੀ ਸਾਇੰਸ ਲੈਬ ਨਾਲ ਸੰਬੰਧਿਤ ਕੰਮ ਲਈ ਬਣਾਈ ਗਈ ਕਮੇਟੀ ਦੀ ਮੈਂਬਰ ਹੈ। ਲੈਬ ਵਿਚ ਚਲ ਰਹੇ ਕੰਮ ਦੌਰਾਨ ਅਲਮਾਰੀਆਂ ਦੇ ਪੱਲੇ ਠੀਕ ਤਰ੍ਹਾਂ ਬੰਦ ਨਾ ਹੋਣ ਦੀ ਸਮੱਸਿਆ ਨੂੰ ਲੈ ਕੇ ਉਸਨੇ ਕਮੇਟੀ ਦੇ ਇਕ ਹੋਰ ਅਧਿਆਪਕ ਮੈਂਬਰ ਨੂੰ ਇਸ ਬਾਰੇ ਜਾਣਕਾਰੀ ਦਿੱਤੀ। ਦੋਵੇਂ ਲੈਬ ਵਿਚ ਸਮੱਸਿਆ ਦੀ ਜਾਂਚ ਕਰਨ ਗਏ, ਜਿੱਥੇ ਦੋਸ ਹੈ ਕਿ ਉਕਤ ਪੁਰਸ਼ ਅਧਿਆਪਕ ਨੇ ਪਹਿਲਾਂ ਗੱਲਬਾਤ ਦੇ ਬਹਾਨੇ ਨਜਦੀਕ ਆ ਕੇ ਅਚਾਨਕ ਜਬਰਦਸਤੀ ਕਰਨੀ ਸੁਰੂ ਕਰ ਦਿੱਤੀ। ਪੀੜਿਤਾ ਨੇ ਦੱਸਿਆ ਕਿ ਉਸਦੇ ਵਿਰੋਧ ਕਰਨ ਦੇ ਬਾਵਜੂਦ ਉਸਨੂੰ ਜਬਰਦਸਤੀ ਫੜਿਆ ਗਿਆ, ਉਸ ਨਾਲ ਅਣਚਾਹੀਆਂ ਸਾਰੀਰਕ ਹਰਕਤਾਂ ਕੀਤੀਆਂ ਗਈਆਂ ਅਤੇ ਉਸਨੂੰ ਡਰਾਉਣ ਦੀ ਕੋਸਿਸ ਵੀ ਕੀਤੀ ਗਈ। ਮੌਕੇ ਤੋਂ ਆਪਣੇ ਆਪ ਨੂੰ ਛੁਡਾ ਕੇ ਉਹ ਲੈਬ ਤੋਂ ਬਾਹਰ ਨਿਕਲ ਗਈ। ਘਟਨਾ ਤੋਂ ਬਾਅਦ ਪੀੜਿਤਾ ਨੇ ਹਿੰਮਤ ਕਰਕੇ ਸਕੂਲ ਦੀ ਲੇਡੀ ਸਟਾਫ ਨਾਲ ਇਹ ਗੱਲ ਸਾਂਝੀ ਕੀਤੀ, ਜਿਨ੍ਹਾਂ ਨੇ ਉਸਨੂੰ ਸੰਭਾਲਿਆ। ਇਸ ਤੋਂ ਬਾਅਦ ਉਸਨੇ ਆਪਣੇ ਪਤੀ ਅਤੇ ਪਰਿਵਾਰ ਨੂੰ ਸੂਚਿਤ ਕੀਤਾ। ਪਰਿਵਾਰ ਦੇ ਮੈਂਬਰ ਸਕੂਲ ਪਹੁੰਚੇ ਅਤੇ ਫਿਰ ਪੀੜਿਤਾ ਨੇ ਪੁਲਿਸ ਕੋਲ ਸਿਕਾਇਤ ਦਰਜ ਕਰਵਾਈ। ਪੁਲਿਸ ਨੇ ਪੀੜਿਤਾ ਦੇ ਬਿਆਨਾਂ ਦੇ ਆਧਾਰ ‘ਤੇ ਸੰਬੰਧਿਤ ਧਾਰਾਵਾਂ ਹੇਠ ਮਾਮਲਾ ਦਰਜ ਕਰਕੇ ਜਾਂਚ ਸੁਰੂ ਕਰ ਦਿੱਤੀ ਹੈ। ਅਧਿਕਾਰੀਆਂ ਮੁਤਾਬਕ ਮਾਮਲੇ ਦੀ ਗੰਭੀਰਤਾ ਨੂੰ ਧਿਆਨ ਵਿਚ ਰੱਖਦਿਆਂ ਤੁਰੰਤ ਕਾਰਵਾਈ ਕੀਤੀ ਜਾ ਰਹੀ ਹੈ ਅਤੇ ਦੋਸੀ ਅਧਿਆਪਕ ਖਿਲਾਫ ਕਾਨੂੰਨੀ ਕਾਰਵਾਈ ਅਮਲ ਵਿਚ ਲਿਆਂਦੀ ਗਈ ਹੈ। ਜਿਸ ਨੂੰ ਜਲਦ ਕਾਬੂ ਕਰ ਲਿਆ ਜਾਵੇਗਾ।
ਇਸ ਘਟਨਾ ਨਾਲ ਸਕੂਲੀ ਮਾਹੌਲ ਅਤੇ ਅਧਿਆਪਕ ਵਰਗ ਵਿਚ ਚਿੰਤਾ ਅਤੇ ਗੁੱਸੇ ਦਾ ਮਾਹੌਲ ਪੈਦਾ ਹੋ ਗਿਆ ਹੈ। ਸਿੱਖਿਆ ਸੰਸਥਾਵਾਂ ਵਿਚ ਮਹਿਲਾਵਾਂ ਦੀ ਸੁਰੱਖਿਆ ਨੂੰ ਲੈ ਕੇ ਇਕ ਵਾਰ ਫਿਰ ਸਵਾਲ ਖੜ੍ਹੇ ਹੋਏ ਹਨ ਅਤੇ ਇਸ ਤਰ੍ਹਾਂ ਦੀਆਂ ਘਟਨਾਵਾਂ ਨੂੰ ਰੋਕਣ ਲਈ ਕਰੜੀਆਂ ਕਾਰਵਾਈਆਂ ਦੀ ਲੋੜ ਹੈ।